د مصنوعي زیرکتیا د پدیدې سپړنه: افسانې، واقعیتونه او د ټیکنالوژیکي پرمختګونو بدلیدونکې منظره

لنډیز

د ټېکنالوژیکي پرمختګونو په لړ کې مصنوعي زیرکتیا یو د هغو لویو انکشافاتو څخه ده چې د نړۍ په سطحه په صنعتونو او عامه ژوند کې د یو لوی انقلابي بدلېدونکې پدیدې په توګه راڅرګنده شوه. دا څېړنیزه لیکنه په دغه اړوند د مصنوعي زیرکتیا بېلابېل اړخونه روښانه کوي، لکه د مصنوعي زیرکتیا تاریخي پس منظر، په صنعت کې یې اغېزې، د مصنوعي زیرکتیا ګټې، ګواښونه او په اړه یې افسانې او ناسم پوهاوی. همدارنګې دا څېړنه د مصنوعي زیرکتیا د ژبې بېلا بېل ماډلونه او د هغوی محدودیتونه هم روښانه کوي. په پایله کې څېړنه د ټېکنالوژيکي پرمختګونو بدلېدونکی مخ او راتلونکې ته هم اشاره کوي. د ټېکنالوژي متحرک دور سره د ځان عیارونې په موخه، لوستونکي به وکولای شي چې د دې څېړنیزې لیکنې څخه خورا ګټور مطالب ترلاسه کړي.